DCPS/NPS लागू असलेल्या ‘या’ कर्मचारी आणि त्यांच्या कुटुंबीयांसाठी खुशखबर – शासनाचा नवा निर्णय जाहीर
दि. १ नोव्हेंबर २००५ रोजी किंवा त्यानंतर शासन सेवेत रुजू झालेल्या कर्मचाऱ्यांसाठी नवीन परिभाषित अंशदान निवृत्तीवेतन योजना (DCPS/NPS) लागू करण्यात आली आहे. याच योजनेच्या अंतर्गत आता काही महत्त्वाचे निर्णय घेण्यात आले आहेत.
या कर्मचाऱ्यांच्या कुटुंबीयांना मिळणार नवे लाभ:
महाराष्ट्र आरोग्य विज्ञान विद्यापीठ, नाशिक येथील शासन मान्य पदांवर ०१.११.२००५ रोजी किंवा त्यानंतर नेमणूक झालेल्या कर्मचाऱ्यांसाठी खालीलप्रमाणे फायदे लागू करण्यात आले आहेत.
मुख्य लाभ
- सेवेत असताना मृत्यू झाल्यास –
कर्मचाऱ्याच्या कुटुंबाला कुटुंब निवृत्तीवेतन आणि मृत्यू उपदान (Death Gratuity) मिळेल. - रुग्णता निवृत्ती (Invalid Retirement) –
अशा कर्मचाऱ्यांना रुग्णता निवृत्तीवेतन आणि सेवा निवृत्ती उपदान दिले जाईल. - सेवानिवृत्तीनंतर –
नियमानुसार सेवा निवृत्ती उपदान (Retirement Gratuity) मिळणार.
कायद्यानुसार अमलात येणारे नियम
- हे सर्व लाभ महाराष्ट्र नागरी सेवा (निवृत्तीवेतन) नियम, १९८२ नुसार दिले जातील.
- केंद्र शासनाच्या नवीन नियमांच्या धर्तीवर हा निर्णय घेण्यात आला आहे.
आवश्यक प्रक्रिया
- मृत कर्मचाऱ्याच्या कुटुंबाने –
थकबाकी लाभ मिळवण्यासाठी नमुना-३ मध्ये विकल्प भरून विद्यापीठ प्रशासनाकडे सादर करणे आवश्यक आहे. - परतावा व समायोजन –
शासनाकडून जमा झालेले NPS चे योगदान, त्यावरील व्याजासह समायोजित केल्यानंतर कुटुंब निवृत्तीवेतन सुरू होईल. - नवीन विकल्प देणे आवश्यक –
वर्तमान व भविष्यातील कर्मचाऱ्यांनी नमुना-२ मध्ये आपला विकल्प विद्यापीठाकडे सादर करावा.- सध्याच्या कर्मचाऱ्यांसाठी – आदेशाच्या दिनांकापासून १ महिन्यात
- नवीन नियुक्त कर्मचाऱ्यांसाठी – नेमणुकीपासून ८ दिवसांत
- कुटुंबाचा तपशील देणे आवश्यक –
निवड करणाऱ्या कर्मचाऱ्यांनी नमुना-१ नुसार कुटुंबाचा तपशील द्यावा.
खर्च कोणत्या शिर्षाखाली येईल?
वरील लाभांसाठी लागणारा खर्च ठराविक लेखाशिर्षांतर्गत करण्यात येईल, ज्याचा उल्लेख शासन आदेशात केला आहे.
ज्या कर्मचाऱ्यांना DCPS/NPS लागू आहे, त्यांना आता सेवा दरम्यान मृत्यू झाल्यास किंवा रुग्णता निवृत्तीनंतरही जुनी निवृत्तीवेतन नियमांप्रमाणे फायदे मिळणार आहेत. यामुळे त्यांच्या कुटुंबाला आर्थिक आधार मिळण्याचा मार्ग मोकळा झाला आहे.